Elkartasuna Udalbiltzako auzipetuei Kataluniatik

Udalbiltzako auzipetuek Bruselasen izandako harreraren balorazioa

Duela bi aste, Espe Iriarte, Iruñeako zinegotzia izandakoa eta Juan Carlos Alduntzin, Pasaiako alkate izandakoa, Bruselan egon ginen, Udalbiltza sumarioko auzipetuen izenean, nazioartean gure egoera gizarteratu eta salatzeko hasi dugun kanpainaren urrats bat bezala.

Oso egun intentsuak bizi izan ditugu, lau egun horietan egin ditugun harremanak ugariak izan dira eta eduki dugun harrera beroa.Egun horietan gure egoeraren berri eman dugu, auziaren nondik norakoak azaldu ditugu, gure hautetsi izaera eta Udalbiltzaren izaera demokratikoaren berri eman diegu.